Сатучылар өчен аңлату эше алып бардылар
Татарстан Республикасы Дәүләт алкоголь инспекциясенең Арча территориаль органы белгече шәхси эшмәкәр Н.К. Мөбәрәкованың (Арча шәһәре) сатучылары өчен сәүдә һәм кулланучылар хокукларын яклау өлкәсендә аңлату чарасы үткәрде.
Товарларны сатуга әзерләү кирәклеге турында тәртип аңлатылды: исемнәрне, сортлылыкны, бәяләрне, төргәкләрнең торышын һәм маркировкалауның дөреслеген тикшерү; товарның тышкы кыяфәтен карау, яраклылык срокларын һәм продуктларны саклау шартларын үтәү, җиһазларның, инвентарьның һәм инструментның булу-булмавын һәм төзеклеген тикшерү, үлчәүләр кую; товар турында кирәкле мәгълүмат булу, рәсмиләштерелгән бәяләр, товар күршелеген саклау һ. б. Гражданнарның мөрәҗәгатьләре буенча, сыйфатсыз азык-төлек һәм азык-төлек булмаган товарлар сатып алуга бәйле рәвештә, дәгъваларны карау вакыты, кулланучылар таләпләрен канәгатьләндерү тәртибе турында сораулар күтәрелде.