«КЦСОН «Наз» ГАУСОда олы яшьтәге кешеләр белән очрашу булды
Өлкәннәр декадасы кысаларында Татарстан Республикасы Дәүләт алкоголь инспекциясенең Арча территориаль органының әйдәп баручы белгеч – эксперты Балтач муниципаль районында «КЦСОН «Наз» МТЗ һәм социаль яклау ГАУСОсында олы яшьтәге кешеләр белән әңгәмә үткәрде.
Әңгәмә барышында катнашучыларга «Кулланучылар хокукларын яклау турында» Россия Федерациясе Законының төп нигезләмәләре, РФ Хөкүмәтенең 2463 номерлы карары турында мәгълүмат җиткерелде. Тиешенчә сыйфатсыз товарларны кире кайтару, аларны алмаштыру тәртибе, товарның сыйфатын гарантияле ремонтлау һәм тикшерү вакыты, формасы, габаритлары, фасоны, төсе, күләме яки комплектлашуы буенча туры килмәгән товарны алмаштыру мөмкинлеге турында аңлатмалар бирелде. Һәр кулланучы грамоталы булырга, үз хокукларын яклый белергә тиеш, ә кирәк булса, ул һәрвакыт Татарстан Республикасы Дәүләт алкоголь инспекциясе белгечләренең ярдәменә өмет итә ала.
Очрашуда катнашучылар үзләрен кызыксындырган барлык сорауларга тулы җаваплар алдылар һәм мондый чараларның ешрак үткәрелүенә теләк белдерделәр.