Тукай муниципаль районында сәүдә предприятиеләре вәкилләре белән профилактик әңгәмәләр үткәрделәр
Яр Чаллы территориаль органы белгечләре Тукай муниципаль районында комплекслы чара үткәрделәр. Аларның максаты - район халкына гамәлдәге законнарны аңларга ярдәм итү, шулай ук төрле юнәлештәге мониторинглар үткәрү.
Татарстан Республикасы Министрлар Кабинетының «Татарстан Республикасы дәүләт муниципаль оешмалары сатып ала торган азык-төлек товарларына максималь бәяләрне формалаштыру турында» 2017 елның 25 сентябрендәге 715 номерлы карары нигезендә үсеш һәм координация бүлеге хезмәткәрләре тарафыннан «Магнит» һәм «Пятерочка» кибетләрендә 180 артык төр продукциягә бәяләр мониторингы үткәрелде.
Моннан тыш, районның федераль, локаль һәм челтәрле булмаган кибетләрендә социаль әһәмиятле азык-төлек товарларына бәяләр һәм ваклап сату челтәрендә сыраның тәкъдим ителүенә мониторинг үткәрелде.
Хуҗалык субъектлары вәкилләре өчен кулланучылар хокукларын яклау өлкәсендә профилактик әңгәмәләр үткәрелде. Чара барышында Кулланучылар хокукларын бозу белән бәйле конкрет ситуацияләр каралды, аерым алганда, кассадагы бәянең киштәдә күрсәтелгән бәя белән туры килмәве һәм аны хәл итүнең оптималь юллары каралды.
Кибетләргә килүчеләр өчен «Татарстан кулланучысы хәбәрләре» газетасының соңгы санын, Татарстан Республикасы Дәүләт алкоголь инспекциясе тарафыннан эшләнгән мәгълүмати белешмәлекләр һәм буклетлар тарату буенча акция үткәрелде.
Мондый күчмә чаралар Яр Чаллы территориаль органы белгечләре тарафыннан ай саен үткәрелә.