Белгечләрнең төп бурычы - кулланучылар хокукларын яклау
Кулланучылар хокукларын яклау өлкәсендә белгечләрнең төп бурычы - товарлар яки хезмәтләр кулланганда теләсә кайсы гражданның яки юридик затның хокукларын һәм законлы мәнфәгатьләрен яклау, судларда һәм судка кадәрге тәртиптә конфликтлы ситуацияләрне җайга салу. Моннан тыш, белгечләр кулланучылар үз хокуклары һәм аларны яклау ысуллары турында күбрәк белсен өчен, мәгърифәтчелек һәм аңлату эшчәнлеге алып баралар. Россия законнарында кулланучыларның кулланучылар хокукларын яклау өлкәсендә белемгә хокукы РФнең 07.02.1992 елгы 2300-I номерлы «Кулланучылар хокукларын яклау турында»гы Законының 3 статьясында беркетелгән һәм дәүләт мәгариф стандартларына һәм гомуми белем бирү һәм һөнәри программаларга тиешле таләпләрне кертү юлы белән тәэмин ителә. Халыкның киң катламын колачлау максатыннан, куллану хокуклары турында мәгълүмат бирү, кулланучылар хокукларын яклау турындагы законнарны практик куллану, товарлар һәм хезмәтләр сатып алганда килеп туган бәхәсләрне хәл иткәндә грамоталы тәртип буенча эш территориаль органның барлык ведомство карамагындагы районнарында алып барыла. Мәсәлән, Әгерҗе районында кулланучылар һәм хуҗалык итүче субъектлар вәкилләре өчен белгечләр аңлату эшләре үткәрделәр, шулай ук Кулланучылар хокукларын яклау белгечләре хокукый ярдәм сорап мөрәҗәгать иткән гражданнарга индивидуаль консультацияләр бирделәр. Гражданнарның кулланучылар хокукларын яклау өлкәсендә закон нормаларын ышанычлы һәм грамоталы куллануы кулланучылар базарында катнашучылар арасында үзара мөнәсәбәтләрне грамоталы төзергә, килеп туган бәхәсләрне оператив хәл итәргә мөмкинлек бирә, цивилизацияле базарны формалаштыруга, товарлар һәм хезмәтләр сыйфатын күтәрүгә ярдәм итә.