Бәйрәм алдыннан гражданнарга консультацияләр бирелде
Бөтендөнья сыйфат көне кысаларында Татарстан Республикасы Дәүләт алкоголь инспекциясенең Чистай территориаль органы хезмәткәре Әлки районы Базарлы Матак авылының «Альянс» кибетендә кулланучылар өчен консультация өстәле оештырды.
Сатып алучыларга кулланучылар хокукларын яклау өлкәсендәге мөнәсәбәтләрне җайга салучы законнар һәм норматив актлар, шул исәптән Россия Федерациясенең 07.02.1992 елның 2300-1 номерлы «Кулланучылар хокукларын яклау турында»гы Законының төп нигезләмәләре турында мәгълүмат җиткерелде.
Кулланучыларга товарларны сайлаганда оптималь отышлы сатып алу мөмкинлеге бирә торган киңәшләр бирелә, чөнки югары бәяләр аларның сыйфатын күрсәтми.
Сатып алучыларга кибеттә үз-үзләрен тотуның берничә принцибын үтәргә тәкъдим ителә, алар сыйфатлы һәм арзан товарлар сатып алганда азрак акча сарыф итәргә мөмкинлек бирәчәк. Аларның кайберләре:
- киселгән продуктларны (колбаса, сыр, икмәк) сатып алырга киңәш ителмми, чөнки алар кыйммәтрәк чыга;
- юылган яшелчәләр - бәрәңге, кишер, чөгендер юылмаганнан кыйммәтрәк кенә түгел, ә начаррак та саклана. Юылмаган яшелчәләр сатып алу яхшырак;
- илебездә җитештерелгән товарларны сатып алу яхшырак. Алар арзанрак тора, чөнки бәягә таможня түләүләре, ташу чыгымнары һәм башкалар кертелмәгән;
- танылган җитештерүчеләрнең һәм маркаларның продуктлары аз билгеле җитештерүчеләргә караганда кыйммәтрәк тора. Шул ук вакытта икенчеләре еш кына беренчеләренә караганда сыйфат ягыннан калышмый. Реклама өчен түләргә кирәк түгел.
Чара барышында кулланучыларга танышу өчен буклетлар һәм «Татарстан кулланучысы хәбәрләре» газетасы тапшырылды.