Кулланучылар хокукларын яклау өлкәсендә өлкәннәрне укыту
Татарстан Республикасы Дәүләт алкоголь инспекциясенең Арча территориаль органы хезмәткәрләре Саба муниципаль районы Шәмәрдән авылының "Балкыш" тернәкләндерү үзәгендә өлкән яшьтәге гражданнар белән кулланучылар хокукларын яклау мәсьәләләре буенча семинар үткәрделәр. Яшьләрнең дә, өлкән яшьтәге кешеләрнең дә куллану культурасын арттыру аеруча мөһим. Законнарны яхшы белү аларны үтәүдә ачык чагыла.
Чараны уздыру кысаларында өлкән яшьтәге кешеләр товар сатып алганда, хезмәт күрсәтүгә килешүләр төзегәндә, кулланучы хокукларын бозган өчен җаваплылык турында, сыйфатсыз товарны ничек дөрес алыштырырга һәм башкалар белән еш очраша торган проблемалар турында фикер алыштылар.
Әңгәмә барышында олы яшьтәге кешеләргә РФ «Кулланучылар хокукларын яклау турында»гы Законына ярашлы рәвештә үз хокукларын гамәлгә ашыру тәртибе аңлатылды.
Кулланучылар хокукларын яклау өлкәсендә кешеләрне укыту куллану базарында үзеңне ышанычлырак хис итәргә, сатып алуларга җентеклерәк һәм саграк карарга мөмкинлек бирә.
Барлык кызыксынучы гражданнар аңлатмалар алды. Шулай ук чарада катнашучыларга кулланучы өчен мәгълүмат һәм территориаль орган реквизитлары белән буклетлар тапшырылды.