Казан территориаль органы хезмәткәрләре Бөтендөнья сыйфат атнасы кысаларында берничә чара үткәрделәр
Бөтендөнья сыйфат көненең максаты - продукциянең һәм хезмәтләрнең югары сыйфатын арттыруда, шулай ук сыйфат проблемасына игътибар җәлеп итүгә юнәлдерелгән эшчәнлекне активлаштыруда. Чөнки сүз кеше һәм әйләнә-тирә мохит өчен товарларның куркынычсызлыгы турында гына түгел, ә кулланучыларның сораулары һәм өметләре канәгатьлек дәрәҗәсе турында да бара.
Сыйфат проблемасы дөньяның әйдәп баручы илләре икътисадында өстенлекле проблемаларның берсе. Сыйфат төшенчәсе без хәзерге цивилизациянең файдасы, тормыш сыйфаты дип атаган нәрсә белән тыгыз бәйләнгән, ә бу: әйләнә-тирә мохитне саклау, физик сәламәтлек һәм кешенең психологик уңайлыгы.
Продукциянең сыйфаты, Россия Федерациясенең 07.02.1992 елның 2300-1 номерлы «Кулланучылар хокукларын яклау турында»гы Законының 4 статьясы нигезләмәләреннән күренгәнчә, кулланучылар ихтыяҗларын канәгатьләндерү сәләтен бирә торган үзлекләр җыелмасы булып тора.
Сыйфатлы продукция мәҗбүри таләпләргә, килешү шартларына туры килергә, сатып алынган максатларда кулланырга яраклы булырга, үрнәккә яки тасвирламага туры килергә тиеш.
Шуңа күрә сыйфат мәсьәләләренә дәүләт тарафыннан аерым игътибар бирелә.
Бөтендөнья сыйфат атналыгы кысаларында Татарстан Республикасы Дәүләт алкоголь инспекциясенең Казан территориаль органы хезмәткәрләре тарафыннан түбәндәге чаралар үткәрелде:
- Татарстан Республикасы Биектау һәм Питрәч муниципаль районнарының Ямаширмә, Керәшен-Сәрдесе авыл җирлекләрендә гражданнарны күчмә кабул итүләр;
- Татарстан Республикасы Балык Бистәсе, Питрәч муниципаль районнарында һәм Казан шәһәрендә кулланучылар хокукларын яклау, шулай ук хуҗалык итүче субъектлар булган кулланучыларга хезмәт күрсәтүнең сыйфаты һәм культурасы мәсьәләләрендә халыкның хокукый белемнәрен һәм мәгълүматлылыгын арттыруга юнәлдерелгән чаралар;
- Казан шәһәре Башкарма комитетының Кулланучылар базары комитеты белән берлектә «Вьетнам» сәүдә комплексы территориясендә кулланучылар хокукларын яклау мәсьәләләре буенча кулланучылар һәм сатучылар өчен консультацияләр уздырылды;
- КФУның 2 нче курс студентлары, Казан шәһәре Вахитов районы 98 нче мәктәп укучылары белән «Кулланучылар хокукларын яклау турындагы Законны гамәли куллану» дигән темага семинарлар оештырылды һәм үткәрелде.
- Биектау ТВ телевидениесе белән берлектә Татарстан Республикасы Дәүләт алкоголь инспекциясенең Казан территориаль органы башлыгы Марина Егорова «Россия - сыйфат билгесе булган ил» темасына видеорепортаж төшерде;
- Татарстан Республикасы Питрәч муниципаль районының Алга ММЧ белән берлектә товарларның һәм хезмәтләрнең сыйфатына багышланган туры эфир һәм сюжет төшерелде.