Бөтендөнья сыйфат атналыгы тәмамланганда
Сыйфат атналыгы азагында Яр Чаллы территориаль органының эчке базарны үстерү һәм координацияләү бүлеге белгечләре тарафыннан Мамадыш муниципаль районының «Забота» халыкка социаль хезмәт күрсәтү үзәгендә ял итүчеләр белән чара үткәрелде.
Әлеге сменада биредә 28 кеше ял итә, барлык ял итүчеләр дә чарада актив катнашты. Очрашуда катнашучыларга Бөтендөнья сыйфат көне, сыйфат атналыгының «Россия – сыйфат билгесе булган ил» девизы астында узуы турында сөйләделәр. Товарларның һәм хезмәтләрнең сыйфаты турында сөйләштеләр. Өлкән буынга РФнең 07.02.1992 елгы «Кулланучылар хокукларын яклау турында»гы Законының төп статьяларын аңлаттылар. Күпләрнең үз тормышларынан сораулары бар иде. Күпләрне кызыксындырган сорау: дару препаратлары, медицина өчен билгеләнгән әйберләр алмаштырылырга яки кире кайтарылырга тиешме. Анда катнашучылар сыйфатсыз азык-төлек товарлары мәсьәләләре буенча киңәшләштеләр. Чарада катнашучыларга белгечләрнең кулланучылар базарына кагылышлы сорауларга квалификацияле һәм тулы җаваплары бирелде һәм Татарстан Республикасы Дәүләт алкоголь инспекциясе тарафыннан эшләнгән кулланучылар өчен белешмәлекләр таратылды.
Пансионат администрациясе үз чиратында билгеләп үткәнчә, һәр яңа сменада ял итүчеләр кулланучылар хокукларын яклау бүлеге белгечләре белән очрашуны түземсезлек белән көтәләр һәм Татарстан Республикасы Дәүләт алкоголь инспекциясенең Яр Чаллы территориаль органына район халкының кулланучылар белемен күтәргән өчен рәхмәт белдерде.