Лаеш районында кулланучылар белемен арттыруга юнәлдерелгән профилактика чарасы узды
Ведомство карамагындагы Лаеш муниципаль районы территориясендә Татарстан Республикасы Дәүләт алкоголь инспекциясенең Казан территориаль органы башлыгы кулланучылар хокукларын яклау, шулай ук кулланучыларга хезмәт күрсәтүнең сыйфаты һәм культурасы мәсьәләләре буенча эшкуарлар һәм җирле үзидарә органнары вәкилләре белән семинар үткәрде.
Катнашучылар «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законының төп нигезләмәләре, законнардагы үзгәрешләр, 2020 елның 31 декабрендәге 2463 номерлы ваклап сату килешүе буенча товар сату кагыйдәләре һәм 2020 елның 21 сентябрендәге 1514 номерлы Россия Федерациясендә халыкка көнкүреш хезмәте күрсәтү Кагыйдәләре белән таныштылар.
Семинар барышында Казан территориаль органы башлыгы кулланучыларның шикаятьләрен һәм мөрәҗәгатьләрен карау тәртибен, сатып алучылар өчен сатучы һәм сатыла торган товар турында кирәкле мәгълүмат булу турындагы таләпләрне аңлатты.