Арча районының Иске Айван авылында гражданнар белән очрашу узды
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина Арча шәһәр җирлегенең Иске Айван авылында гражданнар белән очрашу үткәрде.
Кабул итүдә катнашучылар кулланучыларның төп хокуклары белән таныштылар:
- мәгълүмат алу хокукы;
- тормыш һәм сәламәтлек иминлеген тәэмин итү хокукы;
- сыйфатсыз товарлар һәм хезмәтләр китергән зыянны түләтү хокукы.
Шулай ук көндәлек тормышта кулланучыларның хокуклары һәм законлы мәнфәгатьләре, сатучыларның хокуклары һәм законлы мәнфәгатьләре, ягъни сатып алу-сату килешүе буенча товарлар сатучы предприятиеләр, оешмаларның ничек яклануы аңлатылды.
Гражданнарга товарларны ваклап сату-алу кагыйдәләре; кулланучының шул ук төп куллану үзлекләренә ия булган товарны ремонтлау яки алмаштыру чорына түләүсез бирү турындагы таләбе кагылмаган озак вакытлы файдалану товарлары исемлеге турында мәгълүмат бирелде.
Кулланучылар базары өлкәсендәге конфликтлы хәлләрне тикшерделәр. Шулай ук очрашу барышында гражданнардан сораулар килде, аларга Татарстан Республикасы Дәүләт алкоголь инспекциясе компетенциясе чикләрендә җентекле җаваплар бирелде.
Чара кулланучылар хокукларын яклау өлкәсендә буклетлар һәм «Татарстан кулланучысы хәбәрләре» газетасы тарату белән үрелеп барды.