Спас районында хуҗалык итүче субъектлар өчен укыту чарасы үткәрелде
Халыкара инвалидлар көненә һәм Халыкара коррупциягә каршы көрәш көненә багышланган чаралар кысаларында Спас муниципаль районы Башкарма комитетының актлар залында Татарстан Республикасы Дәүләт алкоголь инспекциясенең Чистай территориаль органы белгече хуҗалык итүче субъектлар өчен укыту семинары үткәрде.
Чарада катнашучылар «Кулланучылар хокукларын яклау турында» Россия Федерациясе Законының төп нигезләмәләре, ваклап сату-алу килешүе буенча товарлар сату кагыйдәләре һәм Россия Федерациясендә халыкка көнкүреш хезмәте күрсәтү Кагыйдәләре белән таныштылар.
Укыту семинары вакытында Кулланучылар хокукларын яклау мәсьәләләре белән беррәттән халыкның социаль якланмаган категорияләренә ташламалар бирүгә ирешүгә юнәлдерелгән мәсьәләләр каралды, шулай ук «Коррупциягә каршы тору турында» Федераль закон нормалары каралды.