Укучылар өчен сыйныф сәгате уздырдык һәм Олимпиадада катнашучыны котладык
Әлмәт территориаль органы хезмәткәре Лилия Степанова Бөгелмә муниципаль районының аерым фәннәрне тирәнтен өйрәтүче 6 нчы урта гомуми белем бирү мәктәбе укучылары өчен класс сәгате үткәрде.
Белгеч Кулланучылар хокукларын яклау буенча Олимпиаданың өченче турына узган укучыны котлады һәм аңа Татарстан Республикасы Дәүләт алкоголь инспекциясе логотибы белән истәлекле бүләк тапшырды.
Аннары Татарстан Республикасында «2014-2025 елларга Татарстан Республикасында кулланучылар хокукларын яклауның комплекслы системасын үстерү» максатчан программасы гамәлдә булуын һәм Татарстан Республикасы Дәүләт алкоголь инспекциясе әлеге программаның координаторы итеп билгеләнүен сөйләде. Программаның өстенлекле юнәлешләренең берсе - кулланучылар белемен арттыру буенча эшчәнлек, шул исәптән урта уку йортлары укучылары өчен кулланучылар белемнәре нигезләре буенча Олимпиада үткәрү. Кулланучылар хокукларын яклау буенча Олимпиада ел саен 8-11 сыйныф укучылары өчен үткәрелә һәм мәктәп укучылары алган кулланучылар белемнәре аларга хезмәтләр һәм товарларның күптөрлелегендә ориентлашырга, грамоталы кулланучы сайлавын ясарга өйрәнергә һәм кулланучылар хокуклары бозылган очракларда эш итә белергә ярдәм итәчәк.
Территориаль орган хезмәткәре укучыларны кулланучыларның хокуклары һәм бурычлары белән таныштырды, сыйфатлы һәм сыйфатсыз товарлар сатып алганда, сыйфатсыз эшләр һәм хезмәтләр күрсәтүдә нинди таләпләр куярга мөмкин, кулланучыларның аерым таләпләрен канәгатьләндерү сроклары турында мәгълүмат бирде, чарада катнашучыларның тормышыннан конфликтлы хәлләрне карады.
Семинар тәмамлангач, кулланучылар хокукларын яклау буенча мәгълүмати материаллар тапшырылды.