Биектау районында профилактика чаралары уздырылды
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре ведомство карамагындагы Биектау муниципаль районы территориясенә чыкты.
Хезмәт күрсәтү сыйфатын күтәрүгә, хокукый белем дәрәҗәсен күтәрүгә һәм кулланучылар хокукларын яклау мәсьәләләрендә халыкка мәгълүмат бирүгә юнәлдерелгән хуҗалык итүче субъектлар һәм кулланучылар белән чаралар комплексы үткәрелде.
Чаралар барышында тыңлаучыларга кулланучылар хокукларын яклау, халыкка җитештерелә һәм сатыла торган халык куллану товарларының сыйфатына таләпчәнлекне арттыру, кулланучылар базары предприятиеләренең һәм хезмәт күрсәтүләрнең сатып алучыларга сәүдә хезмәте күрсәтүне оештыру өчен җаваплылыгын арттыру максатыннан яңа норматив актлар кабул итү турында хәбәр ителде.
Анда катнашучыларны Россия Федерациясенең 07.02.1992 елгы 2300-1 номерлы «Кулланучылар хокукларын яклау турында»гы Законының төп нигезләмәләре, РФ Хөкүмәтенең 2020 елның 31 декабрендәге 2463 номерлы карары белән таныштырдылар.
Товарда кимчелекләр ачыкланганда кулланучылар белән конфликтлы ситуацияләрне карау һәм аларны судка кадәрге тәртиптә хәл итү мәсьәләләренә кагылдылар.
Татарстан Республикасы Дәүләт алкоголь инспекциясенең эчке базарны үстерү һәм координацияләү бүлекләренең адреслары һәм телефоннары турында мәгълүматны үз эченә алган актуаль темалар буенча Кулланучылар хокукларын яклау өлкәсендә гамәлдәге законнарны аңлатучы брошюралар һәм буклетлар рәвешендәге мәгълүмати белешмәләр тәкъдим ителде
Сәүдә предприятиеләрендә ваклап сату бәяләре мониторингы үткәрелде. Ассортиментның киңлеге һәм тәкъдим ителгән продукциянең югары сыйфаты гына түгел, ә бу продукциягә арзан бәяләр дә мөһим, бигрәк тә бу социаль әһәмиятле азык-төлеккә бәяләргә кагыла.