«Балкыш» тернәкләндерү үзәгендә әңгәмә уздырылды
Татарстан Республикасы Дәүләт алкоголь инспекциясенең Арча территориаль органы хезмәткәрләре гражданнарның һәм кулланучыларның хокукларын һәм мәнфәгатьләрен яклау һәм товар сатканда ялгыш юлга этәрү фактларыннан саклау өчен Саба муниципаль районының «Балкыш» тернәкләндерү үзәгендә әңгәмә үткәрделәр.
Олы яшьтәге кешеләр үз проблемалары белән берүзе калырга тиеш түгел, бу яктан алар белән очрашуларга зур роль бирелә, анда ачык диалогта кулланучылар хокукларын яклау мәсьәләләре буенча өлкән яшьтәге гражданнар очраткан актуаль проблемалар турында фикер алышырга мөмкин.
Әңгәмә барышында сыйфатсыз товарларны кире кайтару һәм алмашуга кагылышлы мәсьәләләр, срокларны бозу тыңлаучыларда аеруча кызыксыну уятты. Кулланучылар хокукларын яклау мәсьәләләре буенча хокукый грамоталылыкны арттыру максатларында күзаллау һәм мәгълүмати әсбаплар, белешмәләр, буклетлар тәкъдим ителде, РФ «Кулланучылар хокукларын яклау турында»гы Законына ярашлы рәвештә үз хокукларын гамәлгә ашыру тәртибе аңлатылды.