Яңа Чишмә авылындагы кибетләрнең берсендә азык төлек товарларын дегустацияләү оештырылды һәм консультация өстәле үткәрелде
Яңа Чишмә авылының «Н.» кибетендә азык-төлек товарларын дегустацияләү оештырылды һәм консультация өстәле үткәрелде. Кулланучылар тәкъдим ителгән товарлар белән тәмләп таныша алдылар, шулай ук аларны отышлы бәядән сатып алдылар.
Чара барышында Татарстан Республикасы Дәүләт алкоголь инспекциясенең Чистай территориаль органы белгече кулланучыларга һәм сатучыларга кулланучылар хокукларын яклау өлкәсендә гамәлдәге законнарны үтәү мәсьәләләре буенча консультация бирде. Кулланучылар тарафыннан дәгъва белдерү ысулларына һәм тәртибенә, конфликтлы ситуацияләрне караганда якларның хокукларына һәм бурычларына, сыйфатлы һәм сыйфатсыз товарларны кире кайтаруга һәм алмашуга кагылышлы мәсьәләләр тикшерелде.
Кибет директорына товар сатучының үз оешмасы турында мәгълүматны, товарлар турында тулы һәм ышанычлы мәгълүматны ачык һәм аңлаешлы формада сатып алучыларга җиткерү бурычы турында искә төшерделәр.
Кулланучыларга Кулланучылар хокукларын яклау өлкәсендә мәгълүмат белән буклетлар һәм брошюралар рәвешендә басма продукция тәкъдим ителде.