Питрәч муниципаль районында ведомствоара комиссия утырышы узды
Питрәч муниципаль районы Башкарма комитетында Татарстан Республикасы Дәүләт алкоголь инспекциясенең Казан территориаль органы башлыгы Марина Егорова катнашында алкоголь һәм спиртлы продукция әйләнеше өлкәсендә хокук бозуларны ачыклау һәм кисәтү буенча ведомствоара комиссия утырышы узды.
Әлеге чарада түбәндәге төп мәсьәләләр каралды:
- алкоголь продукциясен, шул исәптән сыра, сыра эчемлекләрен ваклап сатуның алкоголь базарындагы хәле;
- алкогольле һәм спиртлы продукциянең законсыз әйләнешен ачыклау һәм туктату буенча эш алымнары.
Шулай ук Кулланучылар хокукларын яклау һәм эшмәкәрләр, җирле үзидарә органнары тарафыннан хезмәт күрсәтүнең сыйфаты һәм культурасы мәсьәләләрендә хокукый грамоталылык дәрәҗәсен күтәрү һәм мәгълүмат бирү мәсьәләләре буенча семинар үткәрелде.
Катнашучылар «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законының төп нигезләмәләре, законнардагы үзгәрешләр, 2020 елның 31 декабрендәге 2463 номерлы ваклап сату килешүе буенча товар сату кагыйдәләре һәм 2020 елның 21 сентябрендәге 1514 номерлы Россия Федерациясендә халыкка көнкүреш хезмәте күрсәтү Кагыйдәләре белән таныштылар.
Семинар барышында Казан территориаль органы башлыгы кулланучыларның шикаятьләрен һәм мөрәҗәгатьләрен карау тәртибен, сатып алучылар өчен сатучы һәм сатыла торган товар турында кирәкле мәгълүмат булу турындагы таләпләрне аңлатты.