Белгечләр чәчәк кибетендә
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина шәхси эшмәкәрнең Чәчәк кибете сатучылары өчен семинар-уку үткәрде.
Чара барышында «Кулланучылар хокукларын яклау турында» Россия Федерациясенең 07.02.1992 елгы 2300-1 номерлы Законына (алга таба – 2300-1 номерлы Закон), РФ Хөкүмәтенең 31.12.2020 елгы 2463 номерлы карары белән расланган ваклап сату-алу килешүе буенча товар сату кагыйдәләренә ярашлы рәвештә закон нормалары аңлатылды, «Кулланучы почмагын» дөрес формалаштыру буенча киңәшләр бирелде.
Исегезгә төшерәбез, сатып алганда товар белән бергә сатып алучыга касса һәм/яки товар чегы тапшырыла, анда үсемлекләрнең төр исеме һәм саны, сатучының исеме, сату датасы, бәясе, сатучының имзасы күрсәтелә.
Кыргый үсемлекләр сатылган очракта кулланучыга Россия Федерациясе территориясенә кыргый үсемлекләрнең билгеле бер төрләрен кертүгә рөхсәт номеры һәм датасы турында мәгълүмат тапшырыла.
Шунысын да билгеләп үтәргә кирәк, үсемлекләр РФ Хөкүмәтенең 31.12.2020 елның 2463 номерлы карары белән расланган кире кайтарылырга һәм алыштырылырга тиеш булмаган тиешле сыйфатлы товарлар исемлегенә кертелгән. Ошамаган товарны алыштырырга яки аны сатып алудан баш тартырга кибеттә сатып алу вакытында гына мөмкин. Шулай итеп, яхшы сыйфатлы яңа чәчәкләр (чүлмәктә, чәчәк бәйләмнәрендә) алмаштырылырга һәм кире кайтарылырга тиеш түгел. Әмма товарларны дистанцион сату ысулына әлеге исемлек кулланылмый.
Әгәр сатып алынган үсемлек канәгатьләнерлек сыйфатта булмаса, кулланучы 2300-1 номерлы Законның 18 статьясы нигезендә түбәндәгеләрне таләп итәргә хокуклы:
- товарны алыштыру;
- сатып алу бәясенең чагыштырмача киметү;
- сатып алудан баш тартып, акчаны кире кайтару.
Кибеткә мөрәҗәгать иткәндә, кулларында сатып алу турында чек булу яхшы. Әгәр документ сакланмаган булса, сатып алу фактын шаһитлар раслый ала.