Башкарма комитет белгечләре өчен укыту чарасы үткәрелде
Татарстан Республикасы Дәүләт алкоголь инспекциясенең Чистай территориаль органы белгече Әлки муниципаль районы Башкарма комитеты белгечләре өчен семинар-уку оештырды.
Чара барышында «Кулланучылар хокукларын яклау турында» Россия Федерациясе Законының 44 статьясы каралды, ул муниципаль берәмлек территориясендәге җирле үзидарә органнарына түбәндәге вәкаләтләрне бирә: кулланучылар мөрәҗәгатьләрен карау; кулланучылар хокукларын яклау мәсьәләләре буенча аларга консультация бирү; кулланучылар хокукларын яклау буенча судларга мөрәҗәгать итү; кулланучылар хокукларын яклау буенча муниципаль программаларны эшләү.
Укыту чаралары Кулланучылар хокукларын яклау мәсьәләләре буенча Башкарма комитет хезмәткәрләренең хокукый грамоталылыгын арттырырга мөмкинлек бирә һәм киләчәктә законнарда билгеләнгән кулланучылар хокукларын нәтиҗәле яклау өчен шартлар тудыра.
Уку вакытында Кулланучылар хокукларын яклау турындагы закон нормаларын аңлаттылар, кызыксындырган сорауларга җавап бирделәр.
Халык арасында тарату өчен белгечләргә кулланучылар хокукларын яклау өлкәсендә актуаль темалар буенча белешмәлекләр һәм буклетлар тапшырылды.