КФҮдә кизү тору барышында консультация өстәле оештырылды
Татарстан Республикасы Дәүләт алкоголь инспекциясенең Чистай территориаль органы белгечләре тарафыннан Чистай районы КФҮ ДБУда кулланучылар хокукларын яклау турындагы законнарны аңлату буенча кулланучылар өчен консультация өстәле оештырылды.
Чара гражданнарга мәгълүмат бирү һәм консультация бирүгә, кулланучылар хокукларын яклау турындагы законнарның актуаль аспектларын аңлатуга, кулланучыларга практик ярдәм күрсәтүгә юнәлдерелгән иде.
Чара барышында шәһәр һәм район халкына 2023 ел ахырында Россия кулланучылар берләшмәсе кулланучылар мәнфәгатьләрен яклау дәрәҗәсе буенча РФ субъектларының чираттагы рейтингын төзегәнлеге турында сөйләделәр: 1 урынны - Башкортстан Республикасы; 2 урынны - Татарстан Республикасы; 3 урынны - Ростов өлкәсе алды. Димәк, республикада кулланучылар хокукларын яклау эше тиешле дәрәҗәдә оештырылган.
Консультация өстәле вакытында Кулланучылар хокукларын яклау турындагы закон нормалары, шул исәптән ваклап сату-алу килешүе буенча товарлар сату кагыйдәләре һәм халыкка көнкүреш хезмәт күрсәтү кагыйдәләре каралды. Аерым алганда, күпләрне безнең көннәрдә киң таралган товарны дистанцион рәвештә сатып алу ысулы кызыксындыра. Кулланучыларга товарны дистанцион һәм классик ысул белән сатып алуда булган аермалар турында сөйләделәр.
Чара барышында кулланучыларны кызыксындырган сорауларга җаваплар бирделәр.