Кама Тамагы шәһәр тибындагы бистәнең КФҮдә консультация өстәле оештырдылар
2024 елның 9 февралендә Татарстан Республикасы Дәүләт алкоголь инспекциясенең Яшел Үзән территориаль органының әйдәп баручы белгеч-эксперты Альбина Хафизова Кама Тамагы шәһәр тибындагы бистәдә күпфункцияле дәүләт һәм муниципаль хезмәтләр күрсәтү үзәгендә Кулланучылар хокукларын яклау мәсьәләләре буенча консультация өстәле уздырды.
Кабул итү халыкның кулланучылар хокукларын яклау өлкәсендә белемнәрен арттыру, шулай ук кулланучылар хокукларын яклау мәсьәләләре буенча гражданнарга консультацияләр бирү өчен дәүләт һәм муниципаль хезмәтләр күрсәтүнең күп функцияле үзәкләре потенциалын куллану практикасын киңәйтү максатларында үткәрелде. Бу гражданнарга үз хокукларын яклау ысуллары турында мәгълүмат алу хокукларын тулысынча тормышка ашырырга мөмкинлек бирә.
Мөрәҗәгать иткән һәр кулланучы азык-төлек һәм сәнәгать товарлары белән сәүдә итү, төрле эшләр һәм хезмәтләр күрсәтү өлкәсендә консультация алды. Халыкка хуҗалык итүче субъектлар адресына дәгъвалар бирү һәм кулланучылар хокукларын судта яклау тәртибе аңлатылды. Шулай ук КФҮда тематик белешмәлекләр һәм буклетлар алырга мөмкин иде.