Балык Бистәсе районы күпфункцияле үзәгендә кулланучылар хокукларын яклау буенча консультация өстәл уздырылды
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре Татарстан Республикасында КФҮ ДБУның Балык Бистәсе филиалында З. Шәймәрданов урамы, 31 нче йорт адресы буенча кулланучылар хокукларын яклау мәсьәләләре буенча чара үткәрде.
КФҮ хезмәткәрләренә Россия Федерациясенең 1992 елның 7 февралендәге 2300-1 номерлы «Кулланучылар хокукларын яклау турында»гы Законының төп нигезләмәләре турында мәгълүмат бирелде, кулланучылар хокукларын яклау һәм сәүдә кагыйдәләрен үтәү өлкәсендә гамәлдәге законнарны үтәү мәсьәләләре буенча консультацияләр бирелде.
Моннан тыш, кулланучылар мөнәсәбәтләре өлкәсендә актуаль темаларга брошюралар һәм буклетлар рәвешендәге мәгълүмати белешмәлекләр таратылды.
Шунысын да билгеләп үтәргә кирәк, буклетларны тарату халык белән мәгълүмати-аңлату эшенең нәтиҗәле формасы булып тора. Белешмә-мәгълүмат материаллары тар юнәлешле, киңәш һәм белешмә характерында, кулланучыга Кулланучылар хокукларын яклау өлкәсендә кирәкле мәгълүмат алырга мөмкинлек бирә.
Мондый кизү торулар Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәрләре өчен традицион булып тора һәм Казан шәһәрендә, шулай ук ведомство карамагындагы муниципаль районнарда яшәүчеләрнең куллану грамоталылыгын арттыруга ярдәм итә.