Лаеш муниципаль районы Каип төп гомуми белем бирү мәктәбендә 9 нчы сыйныф укучылары белән семинар һәм викторина үткәрделәр
Ел саен 15 мартта Бөтендөнья кулланучылар хокукларын яклау көне билгеләп үтелә. Чаралар кысаларында Татарстан Республикасы Дәүләт алкоголь инспекциясенең Казан территориаль органы башлыгы Марина Егорова Татарстан Республикасы Лаеш муниципаль районы Каип төп гомуми белем бирү мәктәбенең 9 нчы сыйныф укучылары белән кулланучылар хокукларын яклау мәсьәләләре буенча семинар һәм викторина үткәрде.
Викториналар уку процессын активлаштырырга ярдәм итә, укучыларда күзәтүчәнлек, игътибар, хәтер, фикерләүне үстерә. Бу чаралар алынган белемнәрне тикшерү һәм ныгыту өчен дә, аларны киңәйтү һәм тирәнәйтү өчен дә кулланыла.
Кулланучылар хокукларын яклау турындагы законнар укучыларның игътибарына үз хокукларын һәм якыннарының хокукларын яклауга кызыксыну күрсәтү максатыннан практик яктан тәкъдим ителә. Тормыштан мисаллар китерделәр, анда балалар фикер йөрттеләр: бу очракта кем кулланучы, бу очрак кулланучылар хокукларын яклауны регламентташтыручы законга эләгәме һәм барлыкка килгән ситуациядән ничек чыгарга мөмкин? Укучылар тәкъдим ителгән тема белән бик кызыксындылар һәм гамәли мәсьәләләр турында җанлы фикер алыштылар. РФ «Кулланучылар хокукларын яклау турында»гы законы һәркем өчен кирәк булганда файдалана алырлык өстәл китабы булырга тиеш.
Викторина җиңүчеләренә «2014-2025 елларга Татарстан Республикасында кулланучылар хокукларын яклауның комплекслы системасын үстерү» ярдәмче программасы символикасы белән бүләкләр тапшырылды.