«Бөтендөнья кулланучылар хокукларын яклау көне» уңаеннан шәхси эшмәкәрләр белән очрашу узды
Ел саен 15 мартта билгеләп үтелә торган Бөтендөнья кулланучылар хокукларын яклау көнен бәйрәм итү кысаларында, Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре «Гардероб Сторе» хатын-кызлар киемнәре бутигында профилактик чара үткәрделәр, анда белгечләр кибет сатучыларына һәм шәхси эшмәкәргә консультация бирделәр. Гамәлдәге законнарны аңлаттылар: Россия Федерациясенең 1992 елның 7 февралендәге 2300-1 номерлы «Кулланучылар хокукларын яклау турында»гы Законы һәм РФ Хөкүмәтенең 2020 елның 31 декабрендәге 2463 номерлы карары. Кызыклы сорауларга җаваплар бирделәр. Очрашуда катнашучылар белән Бөтендөнья кулланучылар хокукларын яклау көне темасына әңгәмә үткәрелде. Быел ул «Кулланучылар өчен гадел һәм җаваплы ясалма интеллект» девизы астында уза. Ясалма интеллект көндәлек тормыштан аерылгысыз, төрле эшчәнлек өлкәләрендә кулланыла. Мәсәлән: энергетика сәнәгате, сәламәтлек саклау һәм мәгариф, финанслар һәм, әлбәттә, сәүдә. Ясалма интеллект кулланучыга кыска вакыт эчендә һәм уңайлы формада хезмәт яки консультация алырга мөмкинлек бирә, тормышыбызны сизелерлек яхшырта. Ләкин ясалма интеллектның кимчелекләрен дә исәпкә алырга һәм аны куллануның куркынычларын һәм тискәре нәтиҗәләрен киметү өчен чаралар күрергә кирәк. Кулланучылар хокукларын яклау белгечләре ясалма интеллект ярдәмендә алынган мәгълүматны кулланучылар буларак хокукларыгыз бозылмасын өчен, бу мәгълүматны өстәмә тикшерүгә дучар итәргә киңәш итә. Бутик хезмәткәрләре өчен кулланучылар базары өлкәсендә гамәлдәге законнарны белү буенча сораштыру үткәрделәр. Чара кысаларында Кулланучылар мөнәсәбәтләре өлкәсендә актуаль темаларга мәгълүмати белешмәлекләр тәкъдим ителде: «Кулланучының тиешле сыйфатлы товарны алмаштыру һәм кире кайтару хокукы», «Түләүле медицина хезмәтләре күрсәткәндә кулланучы хокукы», «Интернет - сатып алулар».