Социаль яктан якланмаган халык төркеме белән очрашу оештырылды
Ел саен 15 мартта билгеләп үтелә торган Бөтендөнья кулланучылар хокукларын яклау көне кысаларында, Татарстан Республикасы Дәүләт алкоголь инспекциясенең Чистай территориаль органы белгечләре тарафыннан Бөтенроссия инвалидлар җәмгыятенең Татар республика оешмасының Чистай шәһәр оешмасында кулланучылар хокукларын яклау турындагы законнарны аңлату буенча лекция оештырылды.
Быел Бөтендөнья кулланучылар хокукларын яклау көне девизы кулланучылар өчен гадел һәм җаваплы ясалма интеллект булганлыктан, күпчелек вакыт бу темага багышланган иде.
Моннан тыш, чара барышында Кулланучылар хокукларын яклау турындагы гамәлдәге законнарның башка мәсьәләләре дә каралды. Мәсәлән, җәмгыятьнең кайбер әгъзалары, язгы бәйрәмне исәпкә алып, тиешле һәм тиешле булмаган сыйфатлы чәчәкләрне кире кайтару тәртибе белән кызыксындылар. Моннан тыш, җиһазлар ясау буенча хезмәтләр күрсәтүгә килешүләр төзү тәртибе каралды.
Чара барышында җәмгыять әгъзалары көндәлек тормышта куллану өчен кирәкле һәм файдалы яңалыкларны белделәр.