Белгечләр, Бөтендөнья кулланучылар хокукларын яклау көне кысаларында, гражданнарга консультацияләр бирделәр
Татарстан Республикасы Дәүләт алкоголь инспекциясенең Чистай территориаль органы, ТР буенча Роспотребнадзор идарәсе, Чистай шәһәре һәм Чистай муниципаль районы Башкарма комитеты хезмәткәрләре Бөтендөнья кулланучылар хокукларын яклау көне кысаларында Чистай районы КФҮ ДБУда кулланучылар өчен консультация өстәле оештырдылар.
Халыкара кулланучылар оешмасы 2024 елның 15 мартында Бөтендөнья кулланучылар хокукларын яклау көне «Кулланучылар өчен гадел һәм җаваплы ясалма интеллект» девизы астында узачагын игълан итте. Быел Кулланучылар хокук мөнәсәбәтләрендә ясалма интеллектны куллану мәсьәләләренә аерым игътибар җәлеп ителде.
Ясалма интеллект ясалма интеллектуаль системаларның традицион рәвештә кеше өстенлеге дип саналган функцияләрне үтәү үзлеге. Ул Цифрлы дөньяның аерылгысыз өлеше булып тора, кешеләрнең күпчелек тормыш өлкәләренә үтеп керә, икътисадның төп өлкәләре үсешенә зур йогынты ясый.
Чара гражданнарга кулланучылар тәртибен дөрес формалаштыру, кулланучылар хокук мөнәсәбәтләре өлкәсендә мошенниклык гамәлләреннән яклау, кулланучылар хокукларын яклау турындагы законнарның актуаль аспектларын аңлату буенча мәгълүмат бирү һәм консультация бирүгә юнәлдерелгән.
Консультация өстәле барышында кызыксынучыларга Бөтендөнья кулланучылар хокукларын яклау көненең барлыкка килү тарихын сөйләделәр, көндәлек тормышта кулланучыларга очрашырга туры килгән сорауларга җавап бирделәр.