Йолдыз мәктәбе укучылары викторинада катнаштылар
Татарстан Республикасы Дәүләт алкоголь инспекциясенең Чистай территориаль органы хезмәткәрләре Роспотребнадзор идарәсе белгече белән берлектә Бөтендөнья кулланучылар хокукларын яклау көне кысаларында «Йолдыз урта гомуми белем бирү мәктәбе» МББУ укучылары өчен сыйныфтан тыш дәрес үткәрделәр.
Мәктәп укучыларына Бөтендөнья кулланучылар хокукларын яклау көне ел саен 15 мартта билгеләп үтелә һәм быел «Кулланучылар өчен гадел һәм җаваплы ясалма интеллект»девизы астында уза, дип аңлаттылар. Бәйрәм кулланучылар мөнәсәбәтләре мәсьәләсенә гражданнарның игътибарын җәлеп итәргә, кеше тормышының төрле өлкәләрендә ясалма интеллектның роле турында сөйләргә тиеш.
Чара кысаларында укучылар арасында кулланучылар хокукларын яклау мәсьәләләре буенча викторина уздырылды. Бу өлкәдә белемнәрне киңәйтү максатыннан викторина уен формасында уздырыла.
Викторинада катнашучыларга конкрет тормыш ситуацияләрен тасвирладылар һәм шартларны исәпкә алып, конкрет сорауларга җавап бирергә тәкъдим иттеләр. Нәтиҗә укучының сәләтләренә, реакция тизлегенә, чыдамлыгына һәм дисциплиналылыгына бәйле. Һәр катнашучы активлык күрсәтте һәм үзенең белемнәрен һәм осталыкларын күрсәтте.
Викторина сорауларына дөрес җавап биргән укучыга «2014-2025 елларга Татарстан Республикасында кулланучылар хокукларын яклауның комплекслы системасын үстерү» ярдәмче программасы символикасы белән бүләк тапшырылды.