Авыл хуҗалыгы ярминкәсендә консультация чаралары үткәрелде
Азнакай шәһәрендә «Шифа» сәүдә үзәге каршында беренче язгы авыл хуҗалыгы ярминкәсе узды, анда базар бәяләреннән түбәнрәк бәягә сыйфатлы продукция тәкъдим итүче 20дән артык авыл хуҗалыгы җитештерүчесе катнашты. Чаралар кысаларында Татарстан Республикасы Дәүләт алкоголь инспекциясенең Әлмәт территориаль органы контроль-инспекция бүлеге хезмәткәре Ирина Синица һәм Татарстан Республикасы буенча Роспотребнадзор Идарәсе территориаль бүлегенең баш белгеч-эксперты Розалия Хәсәншина, Азнакай муниципаль районы Башкарма комитетының икътисад, сәнәгать һәм сәүдә бүлеге баш белгече Ләйсән Мәрданова белән берлектә районның авыл хуҗалыгы товар җитештерүчеләре һәм сатып алучылар белән консультация чаралары үткәрде.
Чараның төп максаты - халыкның куллану һәм хокукый грамоталылык дәрәҗәсен күтәрү. Сатучылар һәм сатып алучылар Кулланучылар хокукларын яклау һәм сәүдә кагыйдәләрен үтәү өлкәсендә гамәлдәге законнарны үтәү мәсьәләләре буенча консультацияләр алдылар. Мөрәҗәгать итүчеләргә Кулланучылар хокукларын яклау өлкәсендә актуаль темалар буенча брошюралар һәм буклетлар рәвешендә мәгълүмати белешмәлекләр тапшырылды.