Шәхси эшмәкәрләр өчен консультация чаралары үткәрелде
Татарстан Республикасы Дәүләт алкоголь инспекциясенең Әлмәт территориаль органы контроль-инспекция бүлегенең өлкән белгече Ирина Синица Татарстан Республикасы буенча Роспотребнадзор Идарәсенең Бөгелмә, Азнакай, Баулы районнарындагы территориаль бүлеге баш белгеч-эксперты Розалия Хәсәншина һәм икътисад бүлегенең баш белгече белән берлектә, хуҗалык субъектлары һәм сатып алучылар өчен «Восток» сәүдә үзәге территориясендә кулланучылар хокукларын яклау мәсьәләләре буенча консультация чаралары үткәрде.
Кулланучыларга аларның хокуклары аңлатылды, гамәлдәге законнардагы үзгәрешләр турында мәгълүмат бирелде. Тәкъдим ителгән продукциянең сыйфаты мәсьәләләре каралды, сатыла торган азык-төлек товарларының сыйфатын раслаучы документлар турында мәгълүмат бирелде. Чарада кулланучылар гына түгел, кибет хезмәткәрләре дә актив катнашты. РФ «Кулланучылар хокукларын яклау турында»гы Законының төп нигезләмәләрен аңлатылды. Сатучылар сатыла торган товарларга һәм кулланучылар почмагына бәяләрне рәсмиләштерү кагыйдәләре, оешманың элмә тактасы һәм товарлар турында мәгълүматны рус телендә язу турында консультацияләр бирделәр. Сатучыларның аерым игътибары сатыла торган товарларның яраклылык вакытын контрольдә тотуны һәм саклау шартларын үтәүне көчәйтүгә юнәлтелгән иде.