Шәһәрнең сәүдә үзәкләрендә профилактика чаралары уздырылды
2024 елның 2 апрелендә Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре Чаллы шәһәренең сәүдә үзәкләрендә профилактик чаралар үткәрделәр.
Без барыбыз да һәр көнне кибеттә сатып алулар ясыйбыз, клиникаларга табибларга барабыз, ләкин без һәр очракта да кулланучылар булуыбызны һәм безгә, сатып алу яки хезмәт сыйфаты канәгатьләндермәгәндә, файдалана алырлык билгеле хокуклар барлыгын күз алдына да китерә алмыйбыз.
Мондый чаралар грамоталы кулланучы тәрбияләргә, көндәлек тормышта кулланучыларның хокуклары һәм законлы мәнфәгатьләре, шулай ук сатучыларның хокуклары һәм законлы мәнфәгатьләре ничек якланганын күрсәтергә мөмкинлек бирә.
Кулланучылар тиешле сыйфатсыз техник-катлаулы товарларны кире кайтару, яраклылык срогы чыккан азык-төлек товарларын сату мәсьәләләре, дистанцион ысул белән товарларны сату мәсьәләләре, шулай ук сыйфатсыз финанс, медицина, транспорт хезмәтләре күрсәтү мәсьәләләре буенча тәфсилле җаваплар алдылар.
Барлык катнашучыларга финанс хезмәтләре, судта яклау сорап мөрәҗәгать итү тәртибе, товарларны дистанцион сату ысулы, техник яктан катлаулы товарлар һәм аяк киеме сату турында мәгълүмати белешмәлекләр тапшырылды.