Арча районының Ашытбаш мәктәбендә Хокук сәгате үткәрделәр
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина Арча районы Ашытбаш урта гомуми белем бирү мәктәбенең 8-11 сыйныф укучылары белән очрашты. Балаларны Кулланучылар хокукларын яклау турындагы законнарның төп терминнары һәм нормалары белән таныштырдылар. Кулланучыларның хокуклары, шул исәптән башкаручыга тиешле сыйфатсыз хезмәтләр күрсәтү (эшләр башкару) нәтиҗәсендә, дистанцион сәүдә юлы белән алынган товарга карата сатучыга нинди таләпләр куя алулары аңлатылды. Товарда кимчелекләр барлыкка килгәч һәм сыйфатлы товар алмашканда кулланучының конкрет эш итү алгоритмы аңлатылды. Кулланучылар хокукларын яклау турындагы законга кертелгән яңалыклар турында мәгълүмат җиткерелде. Территориаль орган практикасыннан мисаллар китерелде. Укучыларның шәхси куллану тәҗрибәсеннән хәлләр ачыкланды.
«Кулланучылар хокукларын яклау» темасына олимпиада, Татарстан Республикасы Дәүләт алкоголь инспекциясе үткәргән дегустация нәтиҗәләре турында тулы мәгълүмат бирелде.
Әлеге чара буклетлар, истәлекләр, «Татарстан кулланучысы хәбәрләре» газетасы һәм бүлек реквизитлары белән визиткалар рәвешендә белешмә материаллар тарату белән үрелеп барды.