Китапханәдә сукырлар өчен мәгълүмат сәгате үткәрелде
Түбән Кама сукырлар җәмгыяте китапханәсендә «Үзеңне сакла» дигән мәгълүмат сәгате узды. Очрашуга Татарстан Республикасы Дәүләт алкоголь инспекциясенең Түбән Кама территориаль органының эчке базарны үстерү һәм координацияләү бүлеге башлыгы Евгения Чернова чакырылган иде. Евгения Александровна «Кулланучылар хокукларын яклау турында» РФ Законының гамәлдә булуы һәм төп куллану хокуклары, кулланучылар таләпләрен канәгатьләндерү сроклары, кулланучылар хокуклары бозылган очракта дәгъва белдерү тәртибе турында җентекләп сөйләде. Көндәлек тормышыбыздагы хәлләр турында сөйләштеләр. Очрашуда катнашучылар үзләрен борчыган сорауларга тулы җаваплар алдылар. Г.Тукай исемендәге Үзәк китапханәнең хокукый мәгълүмат үзәге секторы мөдире Наталья Болотнова әңгәмә үткәрде һәм «Кулланучының хокукый гиды» дип аталган мәгълүмати күргәзмә әзерләгән иде.
Хәзерге шартларда кешенең тормыш сыйфаты һәм социаль статусы күп очракта кирәкле мәгълүматны оператив алу, аны эшкәртү һәм үзенең мәгълүмати эшчәнлеге нәтиҗәләрен тәкъдим итү мөмкинлекләре белән билгеләнә.
Күрү сәләте буенча инвалидлар өчен бу процесслар җитди чикләүләр белән катлаулана, моңа күбесенчә социаль практика һәм иҗтимагый мәгълүмати мохит юнәлдерелгән. Түбән Кама территориаль органы сукырлар җәмгыятенә кулланучылар хокукларын яклау темасына мәгълүмати буклетлар тапшырды.