Хокукый грамоталылык дәрәҗәсен күтәрәбез
Хуҗалык итүче субъектларның һәм халыкның хокукый грамоталылыгын арттыру, кулланучылар базарындагы хокук бозуларны кисәтү максатларында, Татарстан Республикасы Дәүләт алкоголь инспекциясенең Арча территориаль органының эчке базарны үстерү һәм координацияләү бүлеге белгечләре сатучылар өчен «Авыл» ҖЧҖ сәүдә объектында «Кулланучылар хокукларын яклау турында» РФ законнарын аңлатып, укулар үткәрделәр. Анда азык-төлек һәм азык-төлек булмаган товарлар сатыла. Уку барышында Кулланучылар хокукларын яклау турындагы закон нормалары аңлатылды, сәүдә кагыйдәләре нигезендә аңлатмалар бирелде. Сатыла торган товарларга һәм кулланучылар почмагына бәяләрне рәсмиләштерү кагыйдәләре, оешманың элмә тактасы һәм рус телендәге товарлар турында мәгълүмат булу, алкогольле продукцияне сату кагыйдәләре турында консультацияләр бирелде. Сатучыларның аерым игътибары контрольне көчәйтүгә, сатыла торган товарларны саклау шартларын үтәүгә юнәлтелгән иде. Чара ахырында «Татарстан кулланучысы хәбәрләре» газетасы, товарлар һәм хезмәтләр турында мәгълүмат белән брошюралар һәм буклетлар таратылды.