Кибет сатучылары өчен укыту семинары үткәрелде
Татарстан Республикасы Дәүләт алкоголь инспекциясенең Чистай территориаль органы белгечләре даими нигездә кулланучыларга гына түгел, эшмәкәрләргә дә мәгълүмат һәм консультация бирүгә юнәлдерелгән профилактик чаралар үткәрүне гамәлгә ашыралар.
Шул максаттан Алексеевск районында Роспотребнадзор идарәсе белгечләре белән берлектә Авыл кибете сатучылары өчен укыту семинары үткәрелде.
Белгечләр кулланучылар хокукларын яклау турындагы закон таләпләрен үтәүнең мөһимлеге, эшкуарлык эшчәнлеген алып баручы затның хокуклары «Кулланучылар хокукларын яклау турында»гы Законы белән беркетелгәнлеген белергә тиешлеге турында сөйләде. Товар турында тулы һәм ышанычлы мәгълүмат бирү сатучының бурычларына керә.
Чарада катнашучыларга тиешле сыйфатлы һәм тиешле сыйфатсыз товарны кире кайтару тәртибе, кулланучы таләпләрен канәгатьләндерү вакыты һ.б. турында хәбәр ителде. Моннан тыш, семинар кысаларында товарларның маркировкасын үтәү, товарларның мониторингы системасына «Честный знак»ка тоташтыру турында сораулар каралды.
Мондый чараларны үткәрү оешмаларның һәм эшмәкәрләрнең кулланучылар хокукларына җаваплы мөнәсәбәтен формалаштыруга һәм үз эшчәнлекләрен нәтиҗәле гамәлгә ашыруга омтылуга ярдәм итә.