Яңа Чишмә авылында укыту чарасы уздырылды
Татарстан Республикасы Дәүләт алкоголь инспекциясенең Чистай территориаль органы хезмәткәре Яңа Чишмә муниципаль районы Башкарма комитеты белгечләре белән берлектә Яңа Чишмә авылы кибетләренең берсендә сатучылар өчен кулланучылар хокукларын яклау турындагы законнарны аңлату буенча семинар оештырды.
Соңгы вакытта кулланучылар хокукларын яклау, халыкка җитештерелә һәм сатыла торган халык куллану товарларының сыйфатына таләпчәнлекне арттыру, товарлар җитештерү һәм аларны сату белән шөгыльләнүче оештыру-хокукый формасына карамастан, сәүдә предприятиеләренең җаваплылыгын арттыру максатыннан норматив актлар даими яңартыла.
Уку вакытында сатучыларга товарда кимчелекләр табылганда кулланучының хокукларын аңлаттылар; товарны алмаштыру яки тиешле сыйфатсыз товар өчен акчаны кайтару вакыты турында сөйләделәр; кулланучының тиешле сыйфатлы товарны алмаштыру хокукы турында фикер алыштылар.
Шулай ук сәүдә предприятиесе хезмәткәрләре белән кулланучылар хокукларын яклау турындагы законнарның башка нормаларын да карадылар, чарада катнашучыларны кызыксындырган сорауларга җавап бирделәр.