Хуҗалык итүче субъектлар өчен семинарлар үткәрелде
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәрләре Казан шәһәре базарларында һәм сәүдә мәйданчыкларында эшчәнлек алып баручы хуҗалык итүче субъектлар өчен семинарлар үткәрделәр. Чара кулланучыларга хезмәт күрсәтүнең сыйфатын һәм культурасын күтәрүгә юнәлдерелгән иде.
Сатучылар һәм сатып алучылар Кулланучылар хокукларын яклау һәм сәүдә кагыйдәләрен үтәү өлкәсендә гамәлдәге законнарны үтәү мәсьәләләре буенча консультация алдылар: «Кулланучылар хокукларын яклау турында» 1992 елның 7 февралендәге 2300-1 номерлы Россия Федерациясе Законының төп нигезләмәләре, 2020 елның 21 сентябрендәге 1514 номерлы Россия Федерациясендә халыкка көнкүреш хезмәте күрсәтү Кагыйдәләре.
Кулланучыларның шикаятьләрен һәм мөрәҗәгатьләрен карау тәртибе; сатып алучылар өчен сатучы, товарлар һәм хезмәтләр турында кирәкле мәгълүмат булу турында таләпләр; түләнгән товар яки күрсәтелгән хезмәт өчен товар чеклары бирү турында; бәяләмәләр һәм тәкъдимнәр китабы бирү турында аңлатылды.
Мөрәҗәгать итүчеләргә Кулланучылар хокукларын яклау өлкәсендәге гамәлдәге законнарны аңлатучы брошюралар һәм буклетлар рәвешендәге мәгълүмати белешмәлекләр тапшырылды.