«Оазис» кибетендә икмәк ризыкларын татып карау узды
Татарстан Республикасында җитештерелгән продукцияне алга этәрү максатыннан «Эдем» ҖЧҖнең «Оазис» кибетендә икмәк һәм кондитерлык эшләнмәләрен дегустацияләү белән күргәзмә-презентация үткәрелде. Презентациягә тәкъдим ителгән барлык продукция кулинар цехларда җитештерелә. Һәр төр әйбер үзенчә кызыклы, үзенчәлекле һәм халык арасында зур ихтыяҗ белән файдалана: гөбәдия, эчпочмак, лимонник, кәбестә пирогы, курәгә белән пирог, катламлы пирог, камырдагы сосискалар, чәк-чәк, төрле пирожныйлар, шулай ук өй токмачы.
Кибетләрдә татып карау оештыру клиентларның игътибарын җәлеп итүнең иң яхшы ысулларының берсе булып санала. Һәрбер дегустациянең төп максаты - билгеле бер товар төренә һәм сату күләменә ихтыяҗны арттыру.
Дегустация вакытында кулланучылар тәкъдим ителгән продукция, аның куллану үзлекләре турында җентекле мәгълүмат алдылар, шулай ук тәкъдим ителгән үрнәкләр белән танышырга мөмкинлек алдылар. Кулланучылар кондитер һәм икмәк-булка эшләнмәләренең тәмен бәяләп кенә калмады, шулай ук Кулланучылар хокукларын яклау өлкәсендә үз сорауларын да бирә алдылар.
Татарстан Республикасы Дәүләт алкоголь инспекциясенең Чистай территориаль органы белгече чара вакытында Кулланучылар хокукларын яклау турында мәгълүмати материаллар таратты.