Белгечләр күпфункцияле үзәктә гражданнарга консультацияләр бирделәр
Татарстан Республикасы Дәүләт алкоголь инспекциясенең Чистай территориаль органы һәм Роспотребнадзор идарәсе белгечләре Алексеевск шәһәрендә күпфункцияле үзәк бинасында күчмә консультация үткәрделәр.
Чара хокукый культураны арттыру һәм кулланучылар хокукларын яклау өлкәсендә гамәлдәге закон нигезләрен өйрәнү, шулай ук кулланучылар хокукларын яклау буенча гражданнарга юридик ярдәм күрсәтү максатларында уздырылды.
Кулланучылар сыйфат, продукцияне маркировкалау, техник яктан катлаулы товарлар сату кагыйдәләре, транспорт һәм финанс хезмәтләре күрсәтү кагыйдәләре һәм башка мәсьәләләр буенча җентекле консультацияләр алдылар.
Консультация барышында гамәлдәге законнарга аңлатмалар бирелде, һәр конкрет ситуациягә ничек карарга, ничек итеп сатучы адресына язмача дәгъва әзерләргә кирәклеге турында сөйләделәр.
Моннан тыш, кулланучылар хокуклары турында төрле тормыш ситуацияләрендәге гамәлләр турында брошюралар, белешмәлекләр һәм буклетлар, дәгъва һәм дәгъва белдерү үрнәкләре рәвешендә ачык мәгълүмат алдылар.