«Изгелек» реабилитация үзәгендә чара уздырдылар
Татарстан Республикасы Дәүләт алкоголь инспекциясенең Яр Чаллы территориаль органы белгечләре «Изгелек» инвалидларны реабилитацияләү үзәгендә профилактик чара үткәрделәр. Лекция кулланучыларның төп хокуклары һәм бурычлары турында фикер алышудан башланды һәм «Сак булыгыз, алдакчылар!» дигән тема белән дәвам итте. Олы буын кешеләрен кайвакыт балалар белән чагыштыралар – алар шулкадәр ышанучан. Бу сыйфатны еш кына явыз ниятле кешеләр куллана. Полиция кисәтүләренә карамастан, челтәр аша аралашу корбаннары саны даими рәвештә арта, мошенниклык схемалары тагын да катлаулана. Кулланучылар хокукларын бозып мондый ысул белән сатыла торган иң киң таралган товарлар: су фильтрлары. Сатучылар гражданнарның фатирларына идарәче компанияләр, «Водоканал», «СЭС», социаль хезмәтләр хезмәткәрләре булып керәләр һәм кулланучыны су өчен фильтрлар сатып алырга күндерәләр, торбалардагы суның начар сыйфатын, фильтрның «могҗизалы» үзлекләрен күрсәтәләр.
Газ анализаторлары сатучылар кулланучыларга газның чыгуын контрольдә тоту өчен махсус приборлар урнаштырырга кирәклеген белдерә, югыйсә җитди штрафлар һәм хәтта газ белән тәэмин итүне сүндерү дә булачак, дип куркыта Шуны истә тоту мөһим: йорт эчендәге яки фатир эчендәге газ җиһазларына техник хезмәт күрсәтү буенча барлык мәҗбүри эшләр, алдан хәбәр итү буенча, Сезнең белән язма килешү төзелгән компанияләр вәкилләре тарафыннан гына башкарыла.
Кулланучыларны телефон аша массаж процедурасына бушлай презентациягә барырга һәм массаж сеансы алырга чакыралар. Еш кына мондый презентацияләр сәүдә үзәкләрендә, күргәзмә залларында, кунакханәләрдә үткәрелә, бу кулланучыга оешманың ныклыгы һәм ышанычлылыгы икәнлеген күрсәтә. Презентацияләрдән соң кулланучыга 100 000 - 200 000 сумлык массаж аппараты сатып алу-сату килешүенә кул куярга күндерәләр. Массаж препаратлары медицина әйберләре булып санала, һәм аларны төрле урыннарда сату рөхсәт ителми. Моннан тыш, һәр медицина товары билгеләнгән тәртиптә теркәлергә тиеш. Очрашу ахырында тыңлаучылар гыйбрәтле дәрес өчен рәхмәт белдерделәр. Чарада катнашучыларга «Татарстан кулланучысы хәбәрләре» газеталары, Татарстан Республикасы Дәүләт алкоголь инспекциясе тарафыннан эшләнгән товарлар һәм хезмәтләр турында төрле мәгълүматлы брошюралар һәм буклетлар тәкъдим ителде.