Спас районы хуҗалык итүче субъектлары өчен ачык тыңлаулар узды
Спас муниципаль районының хуҗалык итүче субъектлары белән алкогольле һәм спиртлы продукцияне ваклап сату өлкәсендә хокукны куллану һәм административ практика нәтиҗәләре буенча фикер алышу үткәрелде. Чараны Татарстан Республикасы Дәүләт алкоголь инспекциясенең Чистай территориаль органы башлыгы Александр Панов үткәрде.
Чараның төп максаты - алкогольле һәм спиртлы продукцияне ваклап сату өлкәсендә хокук бозуларны профилактикалау.
Нәтиҗә:
Үз чыгышында территориаль орган башлыгы алкоголь законнары һәм контроль-инспекция эшчәнлеге өлкәсендәге яңалыклар, алкоголь базарындагы типик хокук бозулар һәм аларга юл куймас өчен күрелергә тиешле чаралар турында сөйләде. Ул билгеләп үткәнчә, басымны киметү һәм бизнесны үстерү өчен уңайлы шартлар тудыру максатыннан контроль-күзәтчелек эшчәнлегендә профилактик чаралар үткәрү өстенлекле юнәлеш булып тора, шуңа күрә хәзерге вакытта җаваплылыкка тартуга түгел, ә хокук бозуларны кисәтүгә басым ясала.
Чарада катнашучыларга аларның эшчәнлеге мәсьәләләре буенча тәкъдимнәр һәм искәрмәләр җиткерелде, конкрет ситуацияләрне аңлату, килеп туган сорауларга җавап алу мөмкинлеге бирелде.