Олы яшьтәге кешеләрне кулланучылар кагыйдәләренә өйрәтү турында
Татарстан Республикасы Дәүләт алкоголь инспекциясенең Арча территориаль органы хезмәткәре Татарстан Республикасы Саба муниципаль районы Шәмәрдән авылындагы «Балкыш» тернәкләндерү үзәгендә өлкән яшьтәге гражданнар белән кулланучылар хокукларын яклау мәсьәләләре буенча семинар үткәрде. Яшьләрнең дә, өлкән яшьтәге кешеләрнең дә куллану культурасын арттыру аеруча мөһим. Законнарны яхшы белү аларны үтәүдә ачык чагыла.
Чара кысаларында товарлар сатып алганда, эшкә килешүләр төзегәндә, кулланучылар хокукларын бозган өчен җаваплылык турында, сыйфатсыз товарны алыштыру һәм башка мәсьәләләр каралды.
Әңгәмә барышында олы яшьтәге кешеләргә РФ «Кулланучылар хокукларын яклау турында»гы Законына ярашлы рәвештә үз хокукларын гамәлгә ашыру тәртибе аңлатылды. Территориаль орган практикасыннан мисаллар китерелә.
Кешеләрне кулланучылар хокукларын яклау өлкәсендә белем бирү аларга куллану базарында үзләрен ышанычлырак хис итәргә, сатып алуларга җентеклерәк һәм саграк карарга мөмкинлек бирә.
Барлык кызыксынган гражданнар да сыйфатсыз товар белән бәйле хәлдә кулланучы буларак үз хокукларын ничек яклау турында тулы аңлатмалар һәм кыйммәтле киңәшләр ала алдылар. Чарада катнашучыларга кулланучы өчен мәгълүмат һәм территориаль органның контакт мәгълүматлары белән буклетлар тапшырылды.