Яшел Үзән КФҮдә кизү тору оештырдылар
Татарстан Республикасы Дәүләт алкоголь инспекциясенең Яшел Үзән территориаль органының эчке базарны үстерү һәм координацияләү бүлеге башлыгы Алсу Хөснетдинова Яшел Үзән шәһәренең КФҮ филиалында кизү тору үткәрде, аның барышында кулланучылар өчен консультация өстәле оештырылды.
Кизү тору барышында кулланучылар хокуклары, тиешле сыйфатлы товар алмашу, эшләрне башкару (хезмәт күрсәтү) сроклары бозылган очракта эш итү тәртибе турында фикер алыштылар, кулланучыларга азык-төлек товарларын сатуга куелган закон таләпләре, кулланучылар базарын көйләүче норматив актлар турында мәгълүмат җиткерелде.
Хезмәткәр тиешле күрсәтмәләр бирде. Гражданнарга һәр конкрет ситуациядә аларның хокуклары һәм бу хокукларны Россия Федерациясе законнары нигезендә гамәлгә ашыру тәртибе аңлатыла.
Чара барышында гражданнарга кулланучылар хокукларын яклау өлкәсендәге актуаль мәсьәләләр буенча территориаль орган реквизитлары белән белешмәлекләр таратылды.