ТР Дәүләт алкоголь инспекциясе җитәкчесе катнашында Ведомствоара комиссиянең районара утырышы узды
2024 елның 20 июнендә Татарстан Республикасы Дәүләт алкоголь инспекциясендә 2024 елның 1 кварталындагы эш йомгаклары буенча Арча территориаль органында алкогольле һәм спиртлы продукциянең легаль булмаган әйләнешен ачыклау һәм туктату буенча ведомствоара комиссия утырышы узды. Чара Татарстан Республикасы Дәүләт алкоголь инспекциясе җитәкчесе Җәүдәт Әхмәтханов рәислегендә узды. Чарада Татарстан Республикасы Дәүләт алкоголь инспекциясенең эчке базарны үстерү һәм координацияләү бүлеге башлыгы Розалия Арсланова, Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйрова, Арча, Әтнә, Балтач, Кукмара, Саба һәм Теләче районнарының ведомствоара комиссияләре әгъзалары, «Алкоторг» ҖЧҖ, «Белый Кремль», «Эфес», «Булгартрейд», ПО «Ципьинское» җитештерү берләшмәсе һәм Кукмара РПК вәкилләре катнашты.
Комиссия утырышы инде өченче ел яңа форматта уза. Территориаль орган карамагындагы барлык районнарның да үз күрсәткечләрен чагыштыру, тәҗрибә уртаклашу, үз районнарындагы эшкә башкаларның уңай моментларын кертү һәм тискәре моментларны булдырмау мөмкинлеге булдырыла.
Алкогольле һәм спиртлы продукциянең законсыз әйләнешен ачыклауга һәм туктатуга, шул исәптән легаль булмаган алкогольле продукция алуга аерым игътибар бирелә.
Татарстан Республикасында кулланучылар хокукларын тәэмин итү һәм яклау мәсьәләләре буенча Координация советы утырышы йомгаклары буенча йөкләмәләр исемлеге тикшерелде.
Йомгаклауда, Татарстан Республикасы Дәүләт алкоголь инспекциясе җитәкчесе тәкъдимнәрен исәпкә алып, районнарның алкоголь базары торышын характерлаучы күрсәткечләрне яхшыртуга юнәлдерелгән бурычлар куелды һәм чаралар эшләнде.