Шәхси эшмәкәр Макамбаева кибетендә сатучылар өчен семинар уздырдылар
Татарстан Республикасы Дәүләт алкоголь инспекциясенең Арча территориаль органы хезмәткәре шәхси эшмәкәр Макамбаева Д.Ф. (Балтач районы) кибетендә сатучылар өчен кулланучылар хокукларын яклау мәсьәләләре буенча укыту семинары үткәрде.
Кибет хезмәткәрләренә «Кулланучылар хокукларын яклау турында» РФ Законы таләпләренә һәм кибет эшчәнлегенә турыдан-туры кагыла торган сәүдә кагыйдәләренә аңлатмалар бирелде. Моннан тыш, мәгълүмат стендында кирәкле документлар булу буенча консультацияләр бирелде, сатыла торган азык-төлек товарларына бәяләрне рәсмиләштерү һәм урнаштыруның дөреслеге турында мәгълүмат бирелде. Сатыла торган азык-төлек товарларының сыйфатын раслаучы документлар булуга басым ясалды.
Әлеге чараны уздыру барышында сәүдә челтәренә китерелә торган азык-төлек товарларының сыйфаты, товарларның социаль әһәмиятле төркемнәренә бәяләр һәм тәкъдим ителә торган өстәмә бәяләр мәсьәләләре каралды. Сатыла торган продукциянең яраклылык сроклары, алкоголь продукциясен, шул исәптән сыра һәм сыра эчемлекләрен сату тәртибе, аларны сату режимы турында мәгълүмат бирелде.