Татарстан Республикасы Дәүләт алкоголь инспекциясендә «Гражданнар мөрәҗәгатьләрен карау эшчәнлеген камилләштерү турында» дигән темага киңәшмә узды
Киңәшмәдә Татарстан Республикасы Дәүләт алкоголь инспекциясе, Роспотребнадзорның Татарстан Республикасы буенча идарәсе, Татарстан Республикасы Тарифлар буенча Дәүләт комитеты, Россия кулланучылар берләшмәсенең ТР буенча төбәк бүлеге, муниципаль берәмлекләр белгечләре катнашты.
Чара кысаларында электрон документ әйләнеше системасында мөрәҗәгатьләр белән эшләүгә, кире элемтә платформасын кертүгә бәйле мәсьәләләр турында фикер алыштылар. Моннан тыш, гражданнар мөрәҗәгатьләрен карау эшчәнлеген камилләштерүнең соңгы тенденцияләренә бәйле рәвештә, гражданнар мөрәҗәгатьләре белән эшләгәндә клиентларга юнәлешлелек, клиентларга үзәкләшү проблемасына да җитди игътибар бирелде. Мисалларда гражданнарның мөрәҗәгатьләренә җавапларны ничек төзергә, бу очракта нинди җитешсезлекләр булырга мөмкинлеге аңлатылды. Гражданнарның мөрәҗәгатьләрен карау өлкәсендә хокук куллану суд практикасы темасына ясалган чыгыш та кызыклы булды.
Чакырылган докладчылар, «Җәмәгать тәртибен тәэмин итү һәм җинаятьчелеккә каршы көрәш» Татарстан Республикасы дәүләт программасын раслау турында Татарстан Республикасы Министрлар Кабинетының 2013 елның 16 октябрендәге 764 номерлы карары белән расланган «Кулланучылар хокукларын яклауның комплекслы системасын үстерү» процесс чаралары комплексын башкару буенча ведомствоара эш төркеме әгъзалары Татарстан Республикасы Тарифлар буенча Дәүләт комитетында һәм берләшмәнең региональ бүлегендә гражданнар мөрәҗәгатьләрен карау буенча эш тәҗрибәсе белән уртаклаштылар.
Гражданнар мөрәҗәгатьләрен карау эшчәнлеген камилләштерү буенча бердәм алымнар билгеләнде.