Спас районы Башкарма комитеты белгечләре өчен семинар үткәрелде
Татарстан Республикасы Дәүләт алкоголь инспекциясенең Чистай территориаль органы хезмәткәре Спас муниципаль районы җирле үзидарә органнары белгечләре өчен семинар-укулар оештырды.
Чара барышында «Кулланучылар хокукларын яклау турында»гы законның 44 статьясы каралды, ул муниципаль берәмлек территориясендә кулланучылар хокукларын яклау максатларында җирле үзидарә органнарына түбәндәге вәкаләтләрне бирә:
- кулланучыларның мөрәҗәгатьләрен карарга;
- кулланучылар хокукларын яклау мәсьәләләре буенча аларга консультация бирергә;
- кулланучылар (кулланучыларның билгесез даирәсе) хокукларын яклап судларга мөрәҗәгать итәргә;
- кулланучылар хокукларын яклау буенча муниципаль программалар эшләргә.
Укыту чаралары җирле үзидарә органнары хезмәткәрләренең кулланучылар хокукларын яклау мәсьәләләре буенча хокукый грамоталылыгын арттырырга мөмкинлек бирә һәм киләчәктә кулланучыларның законнарда билгеләнгән хокукларын нәтиҗәле яклау өчен шартлар тудыра.
Җирле үзидарә органнары хезмәткәрләре үтенече буенча техник яктан катлаулы товарны сатып алганда, шул исәптән товарны «Кулланучылар хокукларын яклау турында» РФ Законының 26.1 маддәсе белән көйләнә торган ваклап сату-алу килешүе буенча дистанцион ысул белән сату иткәндә, нәрсәләр белергә кирәклеге турында мәгълүмат бирелде.
Уку барышында Кулланучылар хокукларын яклау турындагы законнарның башка нормалары да каралды, кызыксындырган сорауларга җаваплар бирелде. Укулар тәмамлангач, катнашучыларга төрле тематика буенча буклетлар һәм брошюралар тапшырылды.