Татарстан Республикасының Питрәч районында профилактик чаралар уздырылды
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре ведомство буйсынуындагы Татарстан Республикасы Питрәч муниципаль районы территориясенә чыкты.
Хуҗалык субъектлары һәм кулланучылар белән хезмәт күрсәтүнең сыйфатын күтәрүгә, хокукый грамоталылык дәрәҗәсен күтәрүгә һәм халыкка кулланучылар хокукларын яклау мәсьәләләре турында мәгълүмат бирүгә юнәлдерелгән чаралар комплексы үткәрелде.
Катнашучылар Россия Федерациясе Гражданлык кодексының, «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законының төп нигезләмәләре, Россия Федерациясе Хөкүмәтенең 2020 елның 31 декабрендәге 2463 номерлы карары белән таныштылар.
Чара актуаль темалар буенча Кулланучылар хокукларын яклау өлкәсендә гамәлдәге законнарга аңлатмалар язылган брошюралар һәм буклетлар рәвешендәге белешмәләр тарату белән үрелеп барды.
Сәүдә предприятиеләрендә ваклап сату бәяләренә мониторинг үткәрелде.