Шәмәрдәннең «Рост» лицее укучылары өчен кулланучылар дәресе үткәрелде
Татарстан Республикасы Дәүләт алкоголь инспекциясенең Арча территориаль органы хезмәткәрләре Татарстан Республикасы Саба муниципаль районының Шәмәрдәннең «Рост» лицеенда белем алучы 8-11 сыйныф укучылары өчен кулланучылар белемнәре нигезләре буенча сыйныфтан тыш дәрес оештырдылар.
Чара барышында Татарстан Республикасында кулланучылар хокукларын яклау институтының барлыкка килү тарихы, Татарстан Республикасы Дәүләт алкоголь инспекциясенең кулланучылар базарындагы роле турында сөйләделәр. Сыйныфтан тыш дәрестә «Кулланучылар хокукларын яклау турында» РФ Законы һәм Законга бәйле актларның кайбер нигезләмәләре каралды. «Кулланучылар хокукларын яклау» темасына үткәрелүче Олимпиада турында мәгълүмат бирелде.
Укучыларның товарларны дистанцион ысул белән сатып алу белән кызыксынуын исәпкә алып, аларга Интернет-кибетләр аша товарлар сатып алганда кулланучыларның хокукларын, шул исәптән тиешле һәм тиешсез сыйфатлы товарлар сатып алганда кулланучыларның хокукларын аңлаттылар. Техник яктан катлаулы товарлар исемлеген һәм алмаштырылырга тиешле сыйфатлы азык-төлек булмаган товарлар исемлеген карадылар.
Уку йорты укучыларына, белемнәрен укуда һәм шәхси тормышта куллану өчен, кулланучылар хокукларын яклау темасына буклетлар һәм «Вестник потребителя Татарстана» газетасының номерлары тапшырылды.