Өлкәннәр ункөнлеге кысаларында очрашу узды
Элеккеге хезмәттәшләрне өлкәннәр көне белән котлау Татарстан Республикасы Дәүләт алкоголь инспекциясенең Арча территориаль органы өчен традициягә әйләнде. Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров лаеклы ялда булганнарны - Шәймуллина Фәүрә Вафовнаны, Юзеева Нина Герасимовнаны, Шәйхиев Илһам Гайфи улын, Шаһиева Дания Госман кызын, Юнысова Минсәрә Сафин кызын котлады. Пенсионерлар кунакларны шатланып каршы алдылар, игътибар һәм ихтирам күрсәткәннәре, азык-төлек җыелмалары өчен рәхмәт белдерделәр. Кулланучылар хокукларын яклау мәсьәләләрендә белем бирү өчен ветераннарга татар телендә кулланучылар хокукларын яклау буенча буклетлар һәм «Вестник потребителя Татарстана» газетасы тапшырылды.