Җирле үзидарә органнары хезмәткәрләре өчен укыту чарасы уздырылды
Җирле үзидарә органнарына кулланучылар хокукларын яклау чараларын гамәлгә ашыру вәкаләтләре закон нигезендә беркетелгән. Муниципалитетлар кулланучылар шикаятьләрен карарга, ә аларның шикаятьләре буенча сыйфатсыз товарлар, эшләр йә хезмәтләр яисә кулланучыларның гомере, сәламәтлеге, мөлкәте һәм әйләнә-тирә мохит өчен куркыныч булганнары ачыкланганда башкарма хакимиятнең тиешле вәкаләтле федераль органнарына хәбәр итәргә, кулланучылар хокукларын яклау мәсьәләләре буенча аларга консультация бирергә, кулланучылар һәм кулланучыларның билгесез даирәсе хокукларын яклап судларга мөрәҗәгать итәргә хокуклы.
Шуңа бәйле рәвештә, «Кулланучылар хокукларын яклауның комплекслы системасын үстерү» процесслы чаралар комплексын гамәлгә ашыру йөзеннән, Әлмәт территориаль органы хезмәткәре Бөгелмә муниципаль районы җирле үзидарә органнары белгечләре өчен укыту чарасы үткәрде. Гражданнар мөрәҗәгатьләрен караганда кулланучылар хокукларын яклау законнарын куллану мәсьәләләре буенча фикер алыштылар, халык арасында еш була торган мәсьәләләргә аңлатмалар бирелде, кулланучылар һәм хуҗалык итүче субъектлар арасында тарату өчен белешмәләр һәм газеталар тапшырылды.