Профилактик визит белән белгечләр Комсомол базарында
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре шәһәрнең Комсомол базарында профилактик визит үткәрделәр. Белгечләр аяк киеме сатучы шәхси эшмәкәрләр белән очрашты.
Очрашуда «Кулланучылар хокукларын яклау турында» 1992 елның 07 февралендәге 2300-1 номерлы РФ Законының төп маддәләре, РФ Хөкүмәтенең 2020 елның 31 декабрендәге 2463 номерлы карары аңлатылды.
Эшмәкәрләр түбәндәге темаларны күтәрделәр:
- зурлыгы, формасы, төсе буенча туры килмәгән товарны кире кайтару тәртибе;
- сыйфатсыз товарны кире кайтару;
- товарга экспертиза үткәрү тәртибе.
Белгечләр барлык сорауларга да квалификацияле җаваплар бирде.
Шулай ук белгечләр эшмәкәрләргә Россиядә гамәлдә булган аяк киеменең мәҗбүри маркировкасы турында искә төшерделәр. Маркировка таләпләрен җитештерүчеләр дә, импортерлар да, күпләп һәм ваклап сатучылар да үтәргә тиеш. Кагыйдәләрне бозган өчен штрафлар яный, хәтта җинаять җаваплылыгы да. Маркировка - сату процессында товарны җитештерүчедән алып ахыргы кулланучыга кадәр күзәтеп бару системасы.
DataMatrix - ул матрицалы ике үлчәмле код, анда товар турында мәгълүмат шифрланган: җитештерүче ил, бренд, материал һәм аяк киеме күләме. Data Matrix коды түбәндәгеләрдән тора: GTIN идентификаторы-GS1 халыкара белешмәлегендә продукциянең позициясен белдерә; серия номеры, шул исәптән ЕАЭС ТН ВЭД коды белән; товарның дөреслеген тикшерү һәм күчерүдән саклану өчен ачкыч һәм код. Кодны сканерлаганда кулланучы товар турында тулы мәгълүмат ала.
Чара тәмамланганнан соң катнашучыларга мәгълүмати белешмәләр һәм буклетлар таратылды.
Катнашучылар Яр Чаллы территориаль органының «Кайнар линия» телефоны эше турында 71-43-03 номеры белән таныштылар.